१६ कोटी शिष्यवृत्ती योजना व डॉ.पंजाबराव वसतिगृह निर्वाह भत्ता योजना अनुदान वितरीत

शासन निर्णय शिष्यवृत्ती योजना व वसतीगृह योजना दिनांक २८ जून २०२१ महाराष्ट्र

राज्यातील चारही कृषि विद्यापीठातील आर्थिक दृष्ट्या दुर्बल घटकातील विद्यार्थ्यांना डॉ. पंजाबराव देशमुख वसतिगृह निर्वाह भत्ता आणि राजर्षी छत्रपती शाहू महाराज शिक्षण शुल्क शिष्यवृत्ती या योजनांतर्गत महाडीबीटी प्रणालीद्वारे शिष्यवृत्ती प्रदान करण्यात येत आहे. सदर शासन निर्णयान्वये सन २०१९-२० मधील जागेवरील प्रवेश फेरीतील पात्र विद्यार्थ्यांना शिष्यवृत्ती देण्यासाठी एकूण १६ कोटी इतके अनुदान वितरित करण्यास २८ जून २०२१ च्या शासन निर्णयात मंजुरी देण्यात आलेली आहे.

अर्ज सुरु डॉ. पंजाबराव देशमुख वसतिगृह निर्वाह भत्ता योजना २०२१ संपूर्ण माहिती

शिष्यवृत्ती योजना व वसतीगृह योजना शासन परिपत्रक अटी व शर्ती –

• या वितरित केलेल्या निधीत कोणत्याही कारणास्तव अखर्चित किंवा शिल्लक निधी इतर बाबींसाठी परस्पर खर्च करू नये.
• सदरचे अनुदान हे रुपये १६ कोटी अनुदानातून सन २०१९-२० मधील प्रलंबित देयकांचा खर्च भागविण्यात यावा. त्यानंतर अनुदान शिल्लक राहत असेल, तर त्याचा उपयोग हा आर्थिक चालू वर्षातील लाभार्थी विद्यार्थ्यांच्या शिष्यवृत्ती करता अनुदान उपयोगात आणावा. असे या शासन निर्णयामध्ये नमूद केलेले आहे.
• सदरची मंजूर रक्कम ही राज्यातील कृषी विद्यापीठांतील पात्र विद्यार्थ्यांच्या बँक खात्यामध्ये महाडीबीटी प्रणालीद्वारे वितरित करण्यात यावी. ती रक्कम वितरित करण्याची व्यवस्था संचालक शिक्षण महाराष्ट्र, कृषी शिक्षण व संशोधन परिषद, पुणे यांचेकडून करण्यात यावी.
• शासन आदेश व विहित कार्यपद्धतीनुसार सक्षम अधिकाऱ्यांची प्रशासकीय व वित्तीय मान्यता घेतल्यानंतर विहित मर्यादेत खर्च करण्यात यावे. केवळ अर्थसंकल्पिय तरतूद आहे किंवा अनुदान वितरित केले आहे म्हणून खर्च करू नये. असे या शासन निर्णयांमध्ये नमूद केलेले आहे.

अशाच आणखी काही अटींची माहिती पाहण्यासाठी तुम्ही हा शासन निर्णय सविस्तर पाहू शकता. तो शासन निर्णय सविस्तर पाहण्यासाठी खालील GR पहा या बटणावर क्लिक करा आणि तो सविस्तरपणे पहा.